PRANATA ADICARA
PRANATA
ADICARA
Om
swastyastu
AUM
angluhurakěn asma Gusti Kang Hasipat Maha Wělas lan Maha Asih
Kasugěngan
kanugrahan saha sih saking Gusti Kang Murbèng Dumadi, mugya tansah kajiwa lan
kasarira. Lan mugi-mugi sědaya ingkang kiněrsaakěn sagedo kasěmbadan.
Nuwun,
v Dumatěng
panjenenganipun para rama mangku, ingkang tansah cinakěting wéda pinangka
panuntuning panaěmbah ingkang suci.
v Dumatěng
para sěpuh, sěsěpuh, saha pinisěpuh ingkang dados pangarsaning agami, ingkang
ngěmban sěsanggěman Parisadha Hindu Dharma pinangka hantěping sradha
pangolahing dharma ingkang satuhu kinurmatan.
v Dumatěng
bapak duta dharma sinuba ing pakurmatan.
v Dumatěng
bapak/ibu kadang wěrdha mudha ingkang dahat kalingga murdaning akrami. Sagung
lěnggah ingkang kinurmatan.
Kanthi
linambaran pepayung budi rahayu miwah ngaturakěn agunging haksama, mugi pinarěngo
kawula hambuka. Kawula piniji hanjějěri pinangka pranata adicara.
Namung
sakdéréngipun angaturakěn rantamaning
adicara, minangka lěkas wěkasing karti gatining karya murih purwa madya wasana
pinanggih rahayu widada nir ing sambikala. Sumangga kawula dhèrèkakěn tansah
maněngku puja sěmbah puji sukur ing ngarsa dalěm Gěng Gusti Ingkang Hakaryo
Jagat, déné pintěn-pintěn kanugrahan, kanthi gumělaring brayan agung katitik
rahayu sagung dumadi, mugya tansah kajiwa lan kasarira.
Sahingga
kita sagěd hangloggarakěn pěnggalih, haminakakěn wanci, rawuh ing papan suci punika.
Ing adicara persembahyangan …………………… sesarengan puniki antuk widada ing nir
sambikala.
Měnggah
sagung lěnggah ingkang kinurmatan,
Měnggah
rantaman adicara ing rikalěnggahan punika:
1.
Pambuka
2.
Pamaosan Weda Suci
3.
Wědhar wéda suci
4.
Maněmbah sěsarěngan
6.
Panutup paramasanti
Para
rawuh ingkang kinurmatan, Měnggah adicoro sěpindah; pambuka kanti mantra
Om awighnam astu nama siddham
Om a no badhrah krtawoyantu wiswatah
Minggah
adicara kaping kalih pamaosan wéda suci, dumatěng ingkang kajibah wěkdal sasana
sumangga.
…….
Ngaturakěn
agunging panuwun, mugya waosan kala wau sagěd’a daměl tětěkěning gěsang.
Minggah
adicara candakipun inggih měnika wědar wéda suci, dumatěng ingkang kajibah
wěkdal sasana sumangga.
…….
ngaturaken
agunging panuwun.
Sagung
lěnggah ingkang kinurmatan,
Měnggah
adicara ingkang pamungkas maněmbah sěsarěngan kalajengakěn paramasanti.
Namung
sakdéréngipun kalampahan, hambok bilih anggèn kawula angayahi jějibahan, kathah
atur saha patrap ingkang mbotěn ndadosakěn rěnaning pěnggalih, awit saking
cupěting sěsěrěpan ing rih subasita twin
sastra, kawula nyuwun ruměntahing pangapsami.
Mastuti
hayuning diri
Měmayu
hayuning bhuwana
Bilih
diri těntrěm
Jagat
kalimput dirgahayu
Om
santi santi santi om
Komentar
Posting Komentar